“சண்டக்காரி” திரைவிமர்சனம்

‘களவாணி’, ‘ , ‘தேசிங்கு ராஜா’ போன்ற படங்களில் ரசித்த விமலின் இயல்பான நகைச்சுவை கலந்த நடிப்பை மீண்டும் பார்க்க முடிகிறது ஸ்ரேயா தனது மாயா கதாபாத்திரத்தை ஸ்டைலான தோற்றத்துடனும், தனக்கே உரிய நடிப்பு பாணியுடனும் கையாண்டிருக்கிறார். குறிப்பாக படத்தின் பல இடங்களில் ஸ்ரேயாவின் நடிப்பு கவனத்தை ஈர்க்கிறது. விமலின் தந்தையாக பிரபு, பாட்டியாக கே.ஆர். விஜயா, தாயாக உமா பத்மநாபன் உள்ளிட்டோர் தங்களுக்குக் கொடுக்கப்பட்ட கதாபாத்திரங்களுக்கு ஏற்ற பங்களிப்பை வழங்கியுள்ளனர். வில்லன் கதாபாத்திரத்தில் தேவ் கில் நடித்துள்ளார். தங்களது கதாபாத்திரங்களுக்கு தேவையான பங்களிப்பை வழங்கியுள்ளனர்

தொழில்நுட்ப கலைஞர்களின் பங்களிப்பு

ஒளிப்பதிவாளர் ஆர்.பி.குருதேவ் லண்டன் மாநகரத்தையும், தமிழக கிராமத்தையும் அழகாகவும், பாடல் காட்சிகளை கலர்புல்லாகவும் காட்சிப்படுத்தியிருக்கிறார்.

அம்ரிஷ் இசையில் பாடல்கள் அனைத்தும் கேட்கும் ரகங்களாகவும், பின்னணி இசை காட்சிகளுக்கு ஏற்பவும் பயணித்திருக்கிறது.ஒரு காலத்தில் பிரபலமாக இருந்த குத்துப்பாடல்களின் நினைவுகளை மீண்டும் கிளறுகின்றன.

எடிட்டர் தினேஷ் பொன்ராஜ், இயக்குநர் கொடுத்த வரிசையின்படி காட்சிகளை தொகுத்து இணைத்து கொடுத்திருக்கிறாரே

எழுதி இயக்கியிருக்கும் ஆர்.மாதேஷ், கோபமான குணம் கொண்ட பெண்ணின் மனதில் உருவாகும் காதலை அழகாக சொல்ல முயற்சித்திருக்கிறார்.